NASA Artemis II kosmik parvozi: Odamlar yana Oyga yo'l olishdi.

NASA Artemis II kosmik parvozi: Odamlar yana Oyga yo'l olishdi

NASA Artemis II nomli yangi kosmik missiyasini muvaffaqiyatli ishga tushirdi. Bu Apollo 17 (1972-yil)dan beri odamlarning Oyga birinchi parvozidir. SLS raketasi to'rtta astronavtni (Rid Uayzman, Viktor Glover, Kristina Kox, Jeremi Xansen) bo'lgan Orion kemasini Oyni aylanib o'tish yo'nalishiga olib chiqdi.

Ushbu missiya taxminan 10 kun davom etadi. Bu Orion kemasining birinchi odam ishtirokidagi sinovi va Artemis dasturining ekipaj bilan amalga oshirilgan birinchi missiyasidir. Parvoz davomida Orion Yer yuzidan 400 000 km dan ortiq masofaga uzoqlashadi, bu esa Apollo missiyalari ko'rsatkichlaridan yuqori.

Missiyaning asosiy vazifalari hayotni ta'minlash tizimlarini, navigatsiyani, aloqani va uzoq kosmosda qo'lda boshqaruvni sinovdan o'tkazishdir. Ushbu missiya Artemis dasturining keyingi bosqichlarida, 2028-yilga mo'ljallangan astronavtlarning Oy sirtiga qo'nishiga tayyorgarlik bosqichidir.

#terabituz, #ArtemisII

Do’stlaringizga ham eng yaxshisini baxam ko’rishni unutmang! 
👍 @TerabitUz