Kiberxafvsizlik
Samsung va Lg Smart Tv televizorlari sizni kuzatib boradimi?
Samsung va LG Smart TV televizorlari foydalanuvchilar haqida ma'lumot yig'ishi mumkin. California universiteti (Davis) va London universiteti kolleji olimlarining tadqiqotiga ko'ra, bu televizorlar odatda ekran tasvirlarini (skrinshot) oladi va ularni serverlarga yuboradi. Bunday amaliyot Automatic Content Recognition (ACR) deb ataladi va u efirga uzatilayotgan kontentni aniqlash uchun ishlatiladi.
Tadqiqot shuni ko'rsatadiki, televizorlar ekran tasvirlarini har 15 yoki 60 sekundda oladi. ACR texnologiyasi nafaqat televizorning o'zidan, balki HDMI orqali ulangan qurilmalardan ham signal manbalarini tahlil qiladi.
Bu funksiya televizorni birinchi marta sozlashda avtomatik ravishda yoqiladi va uni o'chirish uchun sozlamalarga kirib, "Automatic Content Recognition" yoki "Smart TV Tracking" bo'limini topish kerak.
Ma'lumotlarga ko'ra, Vizio shu xil ma'lumotlar va reklamadan taxminan $598 million daromad olgan. LG kompaniyasining reklamadan va kontentdan yillik daromadi esa $700 millionga yaqinlashmoqda. Shunday qilib, Smart TVlar orqali ma'lumot yig'ish katta biznesga aylangan.
#terabituz, #smarttv
Do’stlaringizga ham eng yaxshisini baxam ko’rishni unutmang!
👍 @TerabitUz
